Monday, March 17, 2014
Friday, January 17, 2014
ӨМӨЗО-ны Шилийн гол аймгийн Зүүн үзэмчин хошууны Улиастай балгасын Мөнгөн өвлийн найр арга хэмжээнд оролцлоо
Зүүн үзэмчин хошууны Улиастай балгасын Соёл, биеийн тамир, радио телевиз, аялал жуулчлалын товчоотой Соёл, спорт, аялал жуулчлалын салбарыг хөгжүүлэх талаар байгуулсан хамтын ажиллагааны санамж бичгийг хэрэгжүүлэх зорилгоор ӨМӨЗО-ны Шилийн гол аймгийн Зүүн үзэмчин хошууны Улиастай балгасын Мөнгөн өвлийн найр арга хэмжээнд Сүхбаатар аймаг загвар өмсөгчид, уран зураачид, дуучид гэсэн нийт 30 гаруй хүний бүрэлдэхүүнтэй оролцлоо.
Мөнгөн өвлийн найр арга хэмжээ гурав хоног үргэлжилсэн бөгөөд Сүхбаатар аймгийн зураачид Хөх дорно зотон тосон зургийн үзэсгэлэн, загвар өмсөгчид Бүх орны дөрөвдүгээр хугацааны үзэмчин хундагат монгол үндэстний өвлийн улиралын хувцас заслын уралдаанд амжилттай оролцсон. Мөн арга хэмжээний үеэр Сүхбаатар аймгийн Жаахан шарга театрын дуучин Амарбаатар, Осгонбаяр, Хатанбаатар, Тодгэрэл нар Өвөр монголын дуучидтай хамтран Мандах наран нутаг, Өвөр монголын Үзэмчин нутаг дуунуудыг хамтран дуулсан юм.
Wednesday, January 1, 2014
Шинэ оны анхны нар харах аялал
Сүхбаатар аймгийн Соёл, спорт, аялал жуулчлалын газар, Байгаль орчны газар хамтран “Уул ус, байгаль дэлхийдээ хүндэтгэл үзүүлэх болон шинэ оны анхны нарнаас энерги авах, дотоодын аялал жуулчлалыг хөгжүүлэх, нийтийн биеийн тамирын арга хэмжээг түгээн дэлгэрүүлэх зорилгоор “Шинэ оны анхны нар харах аялал”-ыг 2014 оны 1 дүгээр сарын 1-ны өдөр Баруун-Урт хотоос урагш 30 гаруй километрт байх Баяншарга ууланд амжилттай зохион байгууллаа. Уг нар харах аялал дөрөв дөхь жилдээ зохион байгуулагдаж байгаа аялал бөгөөд анх Сүхбаатар аймгийн аялал жуулчлалын хөгжлийн гарц ТББ байгууллага санаачлан зохион байгуулж байсан ажээ.
Шинэ оны анхны харах аялалаар олс таталт, цасны сумо, хөгжөөнт буухиа тэмцээнүүд зохион байгуулагдаж хуран цугласан олныг хөгжөөсөн юм. Аялалд 100 гаруй машин, 500 гаруй хүн оролцсон томоохон арга хэмжээ боллоо. Энэ өдөр тэнгэр хангай тогтуухан, нар 8 цаг 6 минутанд үүлгүй сайхан мандсан нь цугларсан олонд халуун дулаан энерги өгсөн юмаа.
Friday, December 6, 2013
Сүхбаатар аймгийн Соёл, спорт, аялал жуулчлалын газар ӨМӨЗО-ны Шилийн гол аймаг, Улиастай балгасад ажлын айчлал хийлээ
Аймгийн Засаг даргын мөрийн хөтөлбөр, ИТХТ-ийн 64 тогтоол, Аялал жуулчлалын мастер төлөвлөгөөг хэрэгжүүлэх, цаашид орон нутагт хил орчмын аялал жуулчлалыг түлхүү хөгжүүлж, иргэдийн өрхийн орлогыг нэмэгдүүлэх, Эрдэнэцагаан суманд нутгийн иргэдэд түшиглэсэн аялал жуулчлалын отог байгуулах, ӨМӨЗО-ны Зүүн үзэмчин хошууны Соёл, спорт, радио телевиз, аялал жуулчлалын товчоотой хамтын ажиллагааны санамж бичиг үйлдэх зорилгоор Соёл, спорт, аялал жуулчлалын газар, Жаахан шарга театр, Номын сан, Угсаатны зүйн музей, Эрдэнэцагаан, Дарьганга, Мөнххаан сумын Соёлын төвийн эрхлэгч, Сүхбаатар аймгийн Залуучуудын холбоо гэсэн бүрэлдэхүүнтэй ажлын хэсэг ӨМӨЗО-ны Зүүн үзэмчин хошууны Шилийн гол аймаг, Улиастай балгасад ажлын айчлал хийж, Шилийн гол аймгийн музей, театр, Улиастай балгасын музей, номын сангийн үйл ажиллагаатай танилцаж туршлага солилцлоо.
Ажлын айлчлалын үеэр Сүхбаатар аймгийн Соёл, спорт, аялал жуулчлалын газар, ӨМӨЗО-ны Улиастай балгасын Соёл, Биеийн тамир, радио телевиз, аялал жуулчлалын товчоотой хамтын ажиллагааны хэлэлцээрийг хийлээ. Хэлэлцээрт Сүхбаатар аймгаас ССАЖГ-ын дарга Б.Буянзаяа, мэргэжилтэн Б.Золхүү, П.Ариунболд, Ж.Идэрмөнх, нябо Б.Наранцацралт, аж ахуй Гүрбадам, ХЖТ-ын дарга Шинэхүү, НС-ийн дарга М.Энэбиш, Угсаатны зүйн музейн нябо Гэрэлтуяа, Аймгийн залуучуудын холбооны тэргүүлэгч гишүүн А.Лхагва-Очир, Нармандах, Мөнхчимэг, Эрдэнэцагаан сумын соёлын төвийн дарга Ариунтунгалаг, Мөнххаан сумын Соёлын төвийн дарга Сарангоо, Дарьганга сумын Соёлын төвийн дарга Үржинлхам оролцсон бол ӨМӨЗО-ны талаас Хошуун дарга Батмөнх, намын дарга Мөнхбаатар, товчооны дарга Сарансүх, орлогч дарга Цэцэнбаатар, улаан мөчрийн дарга Өнөрцэцэг, залуучуудын нийгэмлэгийн төлөөлөл оролцсон үр дүнтэй хэлэлцээр болсон. Хэлэлцээрээр соёл, урлаг, спорт, аялал жуулчлалын чиглэлээр хамтран ажиллах хамтын ажиллагааны санамжийг бичгийг уйгаржин монгол бичгээр үйлдсэн нь уйгаржин монгол бичгээр үйлдсэн анхны санамж бичиг болсон юм.
Ажлын айлчлалын үеэр Сүхбаатар аймгийн Соёл, спорт, аялал жуулчлалын газар, ӨМӨЗО-ны Улиастай балгасын Соёл, Биеийн тамир, радио телевиз, аялал жуулчлалын товчоотой хамтын ажиллагааны хэлэлцээрийг хийлээ. Хэлэлцээрт Сүхбаатар аймгаас ССАЖГ-ын дарга Б.Буянзаяа, мэргэжилтэн Б.Золхүү, П.Ариунболд, Ж.Идэрмөнх, нябо Б.Наранцацралт, аж ахуй Гүрбадам, ХЖТ-ын дарга Шинэхүү, НС-ийн дарга М.Энэбиш, Угсаатны зүйн музейн нябо Гэрэлтуяа, Аймгийн залуучуудын холбооны тэргүүлэгч гишүүн А.Лхагва-Очир, Нармандах, Мөнхчимэг, Эрдэнэцагаан сумын соёлын төвийн дарга Ариунтунгалаг, Мөнххаан сумын Соёлын төвийн дарга Сарангоо, Дарьганга сумын Соёлын төвийн дарга Үржинлхам оролцсон бол ӨМӨЗО-ны талаас Хошуун дарга Батмөнх, намын дарга Мөнхбаатар, товчооны дарга Сарансүх, орлогч дарга Цэцэнбаатар, улаан мөчрийн дарга Өнөрцэцэг, залуучуудын нийгэмлэгийн төлөөлөл оролцсон үр дүнтэй хэлэлцээр болсон. Хэлэлцээрээр соёл, урлаг, спорт, аялал жуулчлалын чиглэлээр хамтран ажиллах хамтын ажиллагааны санамжийг бичгийг уйгаржин монгол бичгээр үйлдсэн нь уйгаржин монгол бичгээр үйлдсэн анхны санамж бичиг болсон юм.
Subscribe to:
Posts (Atom)
