Wednesday, December 7, 2011

Их уул зочид буудал, зоогийн газар, бар, караоке

Улаан дэл их уул ХХК нь 2008 онд байгуулагдаад зочид буудал,  зоогийн газар, тусгай өрөөгөөр үйлчилдэг. Зочид буудал нь 16 хүн хүлээн авах 9 өрөөтэй ба халуун хүйтэн ус, өглөөний цай телепон аппарат, 24 цагийн интернэттэй. 
Бүтэн люкс 30.0
Хагас люкс 25.0
Энгийн өрөө 10.0
 

Зоогийн газар нь 150 хүн хүлээн авах чадалтай ази европ хоолоор 9-24 цагийн хооронд үйлчилдэг. 5.0-6.0 дууны сан бүхий тохилог караокетай. Эрхэм та энд морилон саатснаар хүссэн өрөөндөө байрлаж халуун хүйтэн хоол зооглон дуртай дуугаа дуулж болхоос гадна диско клубд бүжиглэх боломтой.

Ikh uul hotel, restaurant, bar, and karaoke
Ulaandel Ikh uul share holding company established by hotel, restaurant, VIP room in 2008. Hotel capacity to stay 16 people and 9 rooms which have shower, breakfast, digital phone, 24 hours internet, hot and cool water all of service in Ikh uul hotel.
Luxury room cost 30.0
Half luxury room 25.0
Normal room 10.0
150people’s including hall and asian European food in between 9- 24 time till in Ikh uul restaurant. Karaoke have 5.0-6.0 songs comfortable hall. When you visit in Ikh uul You can feel that  where want to stay, what want to eat, what want to do.
You have special chance to to dance super night club.


Tuesday, December 6, 2011

АГЧ ACER

Агч нь зөөлөн дулаан уур амьсгальтай орнуудад ихэвчлэн тархан ургадаг. Дэлхий дээр олон зүйлийн агч байдгаас манай оронд зөвхөн Ховил навчит агч буюу Aсer нутагшин ургаж байна. Ховил навчит агч нь Хойт Америкаас гаралтай нуурын эрэг, голын хөвөөгөөр 25 метр хүртэл өндөр ургадаг, халуун болон ганд тэсвэртэй, хүйтэнд харьцангуй өлчир байдгаараа онцлог. Агчны нэг наст мөчир нь цайвар саарал өнгийн өнгөрөөр хучигдсан, гөлгөр хүрэн холтостой, хуучин мөчир шилбэн дээр 5-5-аар цуварч байрласан байдаг. Навчны дээд талын өнгө цайвар ногоон доод талын өнгө нь илүү цайвар өнгөтэй байх бөгөөд цайвар өнгөтэй байх бөгөөд навчны орой нь шовх хэлбэртэй. Ховил навчит агч хоёр гэрт ургамал, салхиар тоос хүртэнэ. 5-р сарын сүүлчээр навчлалтаас өмнө цэцэглэх бөгөөд харьцангуй жижиг хэмжээтэй цэцэг нь урт шилбэнээс цацаг маягаар доош унжиж байрлана. Эр модны цэцэг хүрэн улаан эм модны цэцэг цайвар шаргал өнгөтэй. Цэцэглэсний дараа 5-р сарын сүүлчээр үр тогтож, намар 9-р сарын сүүл, 10-р сарын эхээр үр бүрэн боловсордог. Үр нь модноосоо унахгүйгээр өвөлжиж дараа жилийн хавар хүртэл модон дээрээ байдаг. Үр нь модноосоо унахгүйгээр өвөлжиж дараа жилийн хавар хүртэл модон дээрээ байдаг. Үр нь нэг шилбэнээс хоёр тийш хос хосоороо байрласан далавч бүхий цагаан шаргал өнгөтэй. Үрийн урт дунджаар 1 см , далавчны хамт 3 см орчим байна.
Агчийг цэцэрлэгжүүлэлтэнд тарьж ургуулах:
Агч нь харьцангуй хурдан ургаж өндөр болдог чимэглэлийн чухал мододын нэг мөн. Агчийг барилга, орон нууц, гудамж талбайн гадна талаар нэг нэгээр нь тарьдаг. Дулаанд дуртай бөгөөд хүчтэй салхины нөлөөгөөр мөчир нь салаагаараа цуурч хугарах тохиодол байдаг тул барилга байгууламжийн өмнө, цэцэрлэгт хүрээлэнд бусад моддын нөмөрт тарих нь илүү тохиромжтой.
Агчны навч гоёмсог хэлбэртэйн дээр намар гөвөгдөхийн өмнө улбар шараас дун шар өнгөтэй болон хувирах тул шилмүүст мододын өмнө тарихад өнгөний гоёмсог хослолыг үүсгэдэг байна.

Friday, November 25, 2011

Дарьганга нэрийн учир

Дарьганга сум
Эрт дээр цагт нэгэн баян айлд Ганга хүү нэртэй тугалчин зарц байжээ. Тэр айлын бух нь хүн мөргөдөг, сүрхий хялангартай, хэцүү амьтан байжээ. Нэг өдөр үнээ, тугал нь нийлэхэд хүү тугалаа хөхүүлэхгүй гээд гүйн очтол нөгөө бух мөргөх гээд ирсэн хүү зөрөх шиг болсонд тоос манараад бух унаад өгчээ.  Хүү бух үхчихлээ гэсээр өргөөд гэртээ иржээ. Ингээд хүү бухны ширийг хуу татаж, махыг нь чануулах зуураа ширийг нь сур болгон элдэж дуусав гэнэ. Үзтэл бухны хүзүүг хүү мулт алгадаж нугасыг нь тасалсан байжээ.
Гэрийн эзэн: чи одоо манайхаас яв. Харин юу хэрэглэхээ ав гэсэнд: Сайн дээл, ат, тохош өөр зүйл хэрэггүй хэмээн хариулжээ. Чингээд Гангахүү яваад өгч гэнэ. Тэр явсаар хонь услаж байгаа хүү дээр ирэв. Тэр нь Гангахүүгийн хүч үзэх гэж  зорьсон Дарьхүү мөн байв. Төлдөлгүй овооны наадам болж, гурав, дөрөв хоног үргэлжилжээ. Барилдсаар Дарьхүү, Гангахүү хоёр үзүүр түрүү булаалдахаар үлджээ. Дарьхүү барьж авуутаа дээш шидэхэд Гангахүү хавсарч аваад дээш хөөрөв. Ингээд аавын хоёр хүү хүч тэнцэж, түүнээс хойш нэгий нь нэрийг овоонд, нөгөөгийн нэрийг зүүн урд нь орших нууранд өгч хоёр нэрийг нь хамтатган Дарьганга гэж энэ нутаг усыг нэрлэх болсон гэдэг.

Wednesday, November 23, 2011

МОНОС - / PADUS ASIATICA /

Монос нь сарнай овогт багтдаг. Дэлхий дээр хэд хэдэн төрлийн монос ургадгаас манай оронд Азийн монос тархсан байдаг.
Монос хавар эрт бусад мододоос түрүүлж цэцэглэхийн дээр чийглэг хөрсөнд илүү сайн ургадаг, мөн хүйтнийг маш сайн тэсвэрлэдэг. Монос анхилам сайхан үнэр бүхий цагаан цэцэгтэй. Тэрээр жил бүр цэцэглэдэг хэдий ч хаврын сүүлчийн хүйтрэлтээр цэцэг нь хөлдөх тул үр жимсний хэмжээ жил жилд харилцан адилгүй байдаг. Монос чимэглэлийн болоод эмийн чухал ургамал мөн. Тэрээр агаар дахь нянг фитонцидийг навчнаас ялгаруулж агаарыг цэвэршүүлдэг. Мөн төрөл бүрийн модон эдлэл чимэглэл хийгдэхэд ашиглагдахаас гадна түүний холтосноос ногоон, хүрэн, улаан өнгийн будаг гаргаж авдаг. Монос нь балт ургамал, цэцэглэлтийнхээ үеэр зөгийн бэлчээрт тун тохиромжтой.
Моносыг цэцэрлэгжүүлтэнд тарихдаа барилга, орон сууц, гудамж талбайд нэг нэгээр нь эсвэл бүлэглэж төгөл үүсгэж, мөн эгнээгээр тарьж болдог.
Хавар эрт монос дун цагаан цэцгээр бүрхэж орчиндоо анхилам сайхан үнэр түгээнэ. Намар хяруу унаж сэрүүн болох үеэр навчны өнгө хувирч улаан ягаан болох тул хус, агч, улиас зэрэг шаргал навчтай модны өнгө талаар тарихад чимэглэлийн содон өнгө төрхийг харуулна. Моносыг эгнээгээр тарихад мод хооронд 3-4 метр, бүлэглэж төгөл үүсгэн тарихад 2-3 метр зайтай тарина.
Монос нь чийглэг,сүүдэр газарт ургах дуртай тул барилга байгууламж, мөн бусад мододын сүүдэр талд тарих нь илүү тохиромжтой. Монос нэг дороос хэд хэдэн шилбэ үүсгэж ургах боловч багаас нь зөв арчлан хэлбэржүүлж чадваас ганц шилбэтэй, өргөн саглагар титэм бүхий мод хэлбэртэй ургана.

Thursday, October 20, 2011

2010 оны 12 дугаар сарын 22-ний өдөр БОАЖЯ-ны сайд, Сүхбаатар аймгийн Засаг даргын хооронд бүтээгдэхүүн нийлүүлэлт, санхүүжилтийн талаар байгуулсан 14 тоот гэрээний дагуу тус аймагт улсын төвлөрсөн төсвөөс санхүүжүүлэх хөрөнгө оруулалтын ажлуудын талаар


1.    Ойжуулалт:
10 га-д 11 сая төгрөгийн ойжуулалтын ажлын тендер 2011.03.24-ны өдөр болж мэргэжлийн байгууллага болох Ойжуулалт хайлааст ХХК-тай Монгол Улсын “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийн  33 дугаар зүйлийн 33.4-ийн дагуу харьцуулалт амжилтгүй болсон гэж үзээд шууд гэрээ байгуулах аргыг сонгож гэрээ байгуулсан.
2.    Ногоон хэрэм:
5 га-д 5.5 сая төгрөгийн ажил гүйцэтгэх байсан боловч 3 жилийн хугацааны арчилгааны зардал нь бага мөн өмнөх жилүүдийн ажлын үр дүн муу учраас энэ жил дээрх ажлыг гүйцэтгэх боломжгүй учир Ногоон хэрэм хөтөлбөрийн албанд буцаахаар болсон.
3.    Булаг шанд:
2011 онд тендер явагдаж оролцох компаниуд байгаагүй учир Засаг даргад санал болгосноор Хонгор эрдэнэ ХХК-тай Монгол Улсын “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийн  29 дүгээр зүйл, 30 дугаар зүйлийн 30.4.3-ийг үндэслэн гэрээ  байгуулсан. 10.0 сая төгрөгөөр Дарьганга сумын Рашаант, Эрдэнэцагаан сумын , булгуудийг хашиж хамгаална.
4.    Аялал жуулчлалын цогцолбор байгуулах:
Онгон суманд Жаахан шаргын цогцолбор байгуулах 25.0 сая төгрөгийн тендер 2011.07.28-ны өдөр болж мэргэжлийн байгууллага байхгүй учир мэргэжлийн зураач дизайнер Ё.Бадарчтай Монгол Улсын “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийн 29 дүгээр зүйл, 45 дугаар зүйлийн 45.2.4-ийг үндэслэн  гэрээ байгуулсан.
5.    УЦУОША-ны Барилгын засварын ажил:
15.0 сая төгрөгийн конторын засварын ажлын тендер явагдаж 2011.05.03-ны өдөр Немон ХХК-тай “Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль”-ийн 33 дугаар зүйлийн 33.4, 2011 оны аймгийн Засаг даргын 140 тоот захирамж, Байгаль орчин, аялал жуулчлалын газрын даргын 11 дүгээр тушаалыг үндэслэн  гэрээ байгуулсан.

"Ганга нуур байгаа болохоор миний эх орон хэзээд мөнх юм" хэлэлцүүлэг болж өндөрлөлөө

 Сүхбаатар аймгийн Дарьганга суманд орших Ганга нуур ширгэх аюулд нүүрлээд байгаа энэ үед аймгийн нутгийн удирдлагын байгууллага Засаг даргын тамгын газар, Байгаль орчин, аялал жуулчлалын газраас санаачлан Усны газар, УЦУХ, ШУТИС Гидрогеологийн баг, ХААИС ийн Байгалийн ухааны сургуулийн мэргэжилтэн, судлаач эрдэмтэд, УЦУОША,  Дарьганга сумын ЗДТГ, ард иргэдийн  оролцоотой  “Ганга нуур байгаа болохоор миний эх орон хэзээд мөнх юм ” сэдэвт хэлэлцүүлгийг Дарьганга суманд 2011 оны 10 дугаар сарын 18 ны өдөр зохион байгууллаа.
Ийнхүү Монгол орны алдартай Ганга нуураа хамгаалах хэлэлцүүлэгт Сүхбаатар аймгийн Засаг даргын орлогч Д.Хосбаяр “Ганга нуураа хамгаалахад олон нийтийн анхаарлыг хандуулах нь”, УЦУХ ийн  ЭША, доктор Д.Оюунбаатар “Ганга нуурын олон жилийн  усны горим ба ажиглалт, хэмжилт, шинжилгээ судалгаа, хамгаалалтын асуудал”, Сүхбаатар аймгийн УЦУОША ны дарга Х.Энхбаяр “Цаг агаарт зориудаар нөлөөлөх үйл ажиллагаа ба бэлчээрийн даацын мониторинг”, УЦУХ Ус судлалын секторын судлаач инженер Б.Сосорбурам “ Ганга нуурын гидробиологийн асуудал ”, ХААИС ийн Биологийн тэнхимийн эрхлэгч, доктор Ч.Ууганбаяр “ Ганга нуурын шувуудыг хамгаалах “ сэдвүүдээр хэлэлцүүлэгт илтгэл тавив.
           Хэлэлцүүлэгт оролцогчид төр засаг болон ард иргэдэд хандаж уриалга гаргаж цаашид Ганга нуурыг хамгаалах зорилгоор Ганга нуурын сав газрын зөвлөл байгуулан уг зөвлөлөөс ганга нуурыг хамгаалах төрөл бүрийн төсөл хөтөлбөр боловсруулж ажиллах юм.

Thursday, October 13, 2011

“Ганга нуур байгаа болохоор миний эх орон хэзээд мөнх юм” хэлэлцүүлэг

Зохион байгуулах хугацаа: 2011 оны 10 сарын 16-19
Зохион байгуулагч: Аймгийн Засаг даргын тамгын газар, Байгаль орчин, аялал жуулчлалын газар
Зохион байгуулагдах газар: Сүхбаатар аймаг, Дарьганга сум, “Нью Дарьганга” амралтын газар

                                                                       Хөтөлбөр:

10 сарын 16 Ням гараг 
Зочид төлөөлөгчдийг угтан авч байрлуулах

10 сарын 17 Даваа гараг
        08:00-09:00 Зочид төлөөлөгчид өглөөний цай уух
    09:00-10:00 Баруун-Урт хоттой танилцах. 
10:00-11:30 Шовдолын районд мониторингийн хоёр цоонгийг тоноглох,   
  12:00 Өдрийн хоол идэх
   13:30 “Дарьганга сум” явах  замдаа Асгат сумаар дайрч Авдарын сүмийн туурь үзэх, Аймгийн төв цэгт очих.
  17:00 Бичигтийн шахаа,  Хөргийн хөндий хүн чулуу үзэх, 
  18:00 Цагийн үед “Талын агуй”  жуулчны баазад  хүрэлцэн ирж  байрлах
   19:00 Оройн хоол
    21:00 Амрах 

10    сарын 18 Мягмар  гараг 
   07:00 Шилийн богд уулан дээрээс Нар мандахыг харах. Зурхайгаар 07:35 нар мандана.     08:30 – 09:30 Талын агуй жуулчны баазад өглөөний цай уух
    11:00 Ганга нуурын одоогийн байдлыг үзэж, урьдчилсан дүгнэлт газар дээр нь гаргах. 
    13:00 Алтан овоо, Хаан хатан хөрөг үзэх
    14:00 “Нью дарьганга” амралтын газар хүрэлцэн ирж байрлах.
    14:00 - 15:00 “Нью дарьганга” амралтын газар өдрийн хоол идэх
   15:30 “Ганга нуур байгаа болохоор миний эрх орон хэзээд мөнх юм“ хэлэлцүүлэг.  
   20:00 Хэлэлцүүлгийн хаалт 
   21:00 – 23:00 Хүлээн авалт
   23:30 амрах

10 сарын 19 Лхагва гараг 
    08:00 – 09:00 Нью дарьганга амралтын газар өглөөний цай уух.
    09:30 Баруун-Урт сум руу хөдлөх.
    13:00 – 14:00 Өдрийн хоол идэх.
    15:00 Хэвлэлийн бага хурал. ЗДТГ
   16:00 Чөлөөт цаг
   18:00 Оройн хоол идэх 
    20:00 Амрах

10 сарын 20 Пүрэв гараг 
    08:00 Өглөөний цай
    09:00 Зочид төлөөлөгчдийг үдэж мордуулах

Холбоо барих хаяг:
Сүхбаатар аймаг  “Байгаль орчин аялал жуулчлалын газар” Засаг даргын тамгын газрын гурван давхар 
Утас: 01512-21890,     Факс: 0151221891      Гар утас: 93084338, 99519493

Wednesday, October 12, 2011

ГОЛТБОР - / Syringa josikaea Jacq.F /

 Голтбор нь гоёмсог сайхан цэцгээрээ дэлхийн олон орны хүмүүсийн анхаарлыг татсан сөөг ургамал. Сайхан цэцгээрээ цэцэрлэгийн сүлд мод гэсэн нэрийг хүртжээ. Голтбор нь 4,5 м өндөр ургадаг сөөг юм. Дэлхийн хэмжээнд голтбор 28 зүйл ургадаг байна. Манай орны хувьд 1980 оны эхээр Орос улсаас авчирч тарималжуулсан түүхтэй. Улаанбаатар хотын нөхцөлд 1,5-2 метр орчим өндөр ургадаг. Ган, хүйтэнд тэсвэртэй, гэрэлд дуртай ургамал. Манай оронд Мажаар голтбор / / Syringa josikaea Jacq.F / нутагшиж ургаж байна. Нахиа нь өндөг хэлбэрийн бор саарал өнгийн хайсаар бүрхэгдсэн ишиндээ бүдүүрэн бат бэх суусан. Навч энгийн зууван өндөглөг хэлбэртэй бүтэн ирмэгтэй, 6-12 см урт, 3-8 см өргөн хар ногоон өнгөтэй, хүйтэн, ганд тэсвэртэй гэрэлд дуртай анхилуун үнэртэй. Цэцэг час улаан, хөх цэнхэрдүү цайвар цагаан туяатай, анхилуун сайхан үнэртэй,цэцгийн диаметр 1 см хүртэл, баг цэцэг 10-20 см урт, 4 наснаас эхлэн цэцэглэж эхлэдэг. Ургалтын хугацаа нь манай орны нөхцөлд 5-р сарын эхнээс 10-р сар хүртэл ургана.,Цэцэглэлт  5-р сарын дунд үеэс 6,7-р сард 15-20 хоног үргэлжилнэ. Үр жимс нь 10-р сард боловсрно.
Голт борыг цэцэрлэгжүүлэлтэнд тарьж ургуулах:
Голт бор нь чимэглэлийн өндөр ач холбогдолтой бут учир барилга, орон сууц, цэцэрлэг гудамж талбайд нэг нэгээр нь болон хэсэг бүлгээр нь тарьдаг. Дан голт бороор төгөл байгуулахад цэцэглэх үеэр нил хөх ягаан өнгийн цэцгээр төглийн дээд хэсэг битүү хучигдэж анхилам үнэртэй цэцгүүд нь хүмүүсийн ташаалыг ихээхэн хүртдэг байна. Голтбор тохиромжтой нөхцөлд 3-4 м хүртэл өндөр ургадаг харьцангуй том хэмжээний бут тул хооронд нь 2-3 метрийн зайтай тарина.
Суулгах нүхийг 50х50 см ба 60х60 хэмжээтэй ухаж бэлтгэнэ.                       1 нүхэнд ялзмаг бууцны хольцыг 10  кг бодож хөрсийг бэлтгэж суулгацыг суулгана. Усалгааг нэг нүхэнд 50-60 лусаар тооцож услана. Хотын төвд тарьсан голтборын титем агаарын бохирдолтыг амархан мэдэрдэг тул усаар тоосруулан шүршиж цэвэрлэх хэрэгтэй.
Голтбор нь чимэглэлийн мододоос хамгийн гоёмсог мододын тоонд тооцогддог тул ихэвчлэн цэцэрлэгжүүлсэн талбайн төв хэсэгт байрлуулж тарихад тохиромжтой. Голтборыг ногоон мөчир, үр авах зориулалтаар голтборын эх цэцэрлэгийг байгуулах боломжтой.

Friday, October 7, 2011

Цагаан зээр /Procapra gutturosa/

Дэлхийд болон Монгол оронд тархац нутаг нь хамгийн олон тоогоор сүрэглэн амьдардаг зэрлэг салаа туурайтан бол цагаан зээр юм. Цагаан зээрийн эрийг ооно, эмийг шаргачин, төлийг янзага гэж нэрлэдэг. Оонын ороо 12 сарын дунд үед орж 8-13 шаргачин хураан хээлтүүлж, шаргачин нь 6 сар орчим хээлээ тээгээд 6-р сарын 20 доор янзгалж эхлэх ба 14 хоногийн дотор төллөж дуусна. 1940 өөд оны үед Монгол оронд 4-5 сая толгой байсан цагаан зээр 1970-1980 онд тоо толгой, тархац нутаг нь хамгийн багасчээ. Энэ нь үйлдвэрлэлийн ан ихэсч /цэргийн хүнс, экспортонд гаргасан/, мөн нутгийн ард иргэд ч махыг ашиглах зорилгоор жилд 150-200 мянгыг ахуйн зориулалтаар агнаж байсантай холбоотой. Нөгөө талаас жил дараалан ган зуд болж байсан ч нөлөөлсөн юм. Харин 1994 онд нэг зэрэг АН-2 онгоц ашиглан тооллого хийж Өмнөговь, Дундговь, Дорноговь, Сүхбаатар, Хэнтий, Дорнод аймгийн нутагт 2,5 сая зээр байгааг тогтоож, 1997 онд авто маршрутаар Дорнод, Сүхбаатар, Хэнтий, Дорноговь аймгийн нутагт 2 сая цагаан зээртэй гэдгийг баталсан.
БОАЖЯ, Дэлхийн банк, Голландын Засгийн газар “Nemo-2” төсөл, Дэлхийн байгаль хамгаалах сангийн Монгол дахь хөтөлбөрийн газар, ШУА-ийн Биологийн хүрээлэн удирдлага зохион байгуулалтаар хангаж, санхүүжүүлэн Монгол орны тал хээр, говь цөлийн тууртны нөөцийн үнэлгээг 2009 онд хийсэн. Энэ нөөцийн үнэлгээгээр цагаан зээрийг өмнөх онуудынхтай харьцуулахад Сүхбаатар аймагт 41,1%-иар илүү буюу 476970 буюу 500000 мянган толгой байна гэсэн дүн гарсан.
Засгийн газрын 2011 оны 23 дугаар тогтоолын 1-р хавсралтаар цагаан зээрийн ооно 500000, шаргачин 550000 төгрөгөөр экологи-эдийн засгийн үнэлгээ нь тогтоогдсон. Ахуйн зориулалтаар хууль бусаар цагаан зээр агнасан тохиолдолд экологи эдийн үнэлгээг буруутай этгээдээр 2 дахин нугалж төлүүлэх ба хууль бус ан хийсэн иргэнийг  ХХДХ-г 2-4 дахин өсгөж торгох гэж Ан агнуурын тухай хуульд заасан байна.

Saturday, October 1, 2011

Дэлхийн аялал жуулчлалын өдрийг тэмдэглэн өнгөрүүллээ

 Байгаль орчин, аялал жуулчлалын газар, Аялал жуулчлалын мэдээлэл, сургалтын төв, Гадаадын сайн дурын багш нартай хамтран Дэлхийн аялал жуулчлалын өдрийг тохиолдуулан 9-р сарын 25-ны өдөр Ерөнхий боловсролын сургуулиудын 7, 9, 11-р ангиудын дунд “Нэг өдрийн тойрон аялал”-ыг зохион байгууллаа. 
Аялал Сүхбаатарын талбай- Өүлэн эхийн хөшөө- Угсаатны зүйн музей- Их бууны хөшөө гэсэн маршрутын дагуу явагдсан бөгөөд бүх үзмэрийг англи хэлээр тайлбарласан нь нилээн үр дүнтэй болсон. 
 Ингэснээр хүүхдүүдийн хэлний мэдлэгт тодорхой хэмжээгээр тус дөхөм болж, хүүхдүүд маань гадаад багш нараараа дуу бүжиг заалгаж, тэдэнтэй англиар ярьж байсан нь аялалыг  үр дүнтэй болсныг харуулсан юм. 

Wednesday, September 21, 2011

Соло зочид буудал, зоогийн газар

 2002 оноос диско баарны чиглэлээр үйл ажиллагаагаа явуулж эхэлсэн ба 2007 оноос зочид буудал, зоогийн газар 2009 оноос шаргын хүлэг жолооны сургуулиа нээн ажиллуулж байна. 
Зочид буудал нь 25-30 хүн хүлээн авах хүчин чадалтай бүтэн болон хагас люкс мөн энгийн өрөө гээд нийтдээ 14 өрөөтэй. Өглөөний цай болон 24 цагийн интернэт үйлчилгээ, дулаан гаражтай.  
Зоогийн газар нь 60-80 хүн хүлээн авах чадалтай ази европ хоолоор 9-24 цагийн хооронд үйлчилдэг. 
Бүтэн люкс 30.0
Хагас люкс 25.0
Энгийн өрөө 20.0


Харилцах утас: 99093981
 
Solo hotel and disco bar and restaurant
Firstly their working began to open disco club from 2007 opened hotel and restaurantfrom 2009 driver course trained for local citizens.
Solo hotel can stay capacity 25-30 people luxury and half luxury and normal 14 rooms in there.
Luxury room cost 30.0
Half luxury room 25.0
Normal room 20.0
Their service -Internet service
-breakfast
-laundry service
-warm garage like this so many addition service here.
Restaurant can serve once 60-80 people by asian European and Mongolian food 9-24

Tuesday, September 20, 2011

Тансаг зочид буудал

Тансаг зочид буудал нь 2011 онд 2 одны зэрэглэлтэй болсон ба нэгдүгээр зэргийн ресторан, долоо хоног бүрийн Бямба гарагт залуучууддаа зориулан ‘’Cocкteil party’’ анхлан санаачлаад байгаа нь сонирхолтой арга хэмжээний нэг болсон. Тансаг зочид буудал, зоогийн газар нь 20 хүн хүлээн авах 7 өрөөтэй ба бүтэн болон хагас люкс мөн энгийн өрөөнүүдтэй. Өглөөний цай болон 24 цагийн интернэт угаалгын үйлчилгээ, харилцаа холбоо, унаа тээвэр үзмэр үйлчилгээ тусгай өрөө гээд эрхэм танд хэрэгтэй бүх зүйлээр үйлчилхэд бэлэн. Зоогийн газар нь 80-аас 100 хүний суудал бүхий тохилог танхим, мөн 100-150 хүний хүлээн авалт хүндэтгэлийн арга хэмжээг зохион явуулах боломжтой. 2010 онд аймагтаа анх удаа 2 одтой зочид буудал болсон.

Харилцах утас: 0151221962, 222444, 99112001

Tansag hotel and restaurant
Tansag hotel has two stars level and high quality first level restaurant and they discovered firstly ‘’Cocкteil party’’ in Saturday  Sukhbaatar province. That was one of the interesting action  all of  youngs. Tansag hotel can capacity 20 people luxury and half luxury and normal 7 rooms in Tansag hotel.
Luxury room cost 40.0
Half luxury room 28.0
Normal room 24.0
Their service -Asian and European food
–Internet service
-breakfast
-laundry service
-communication service
-transport ticket
-concert ceremony
-VIP room 
And they have 80-100 people’s comfortable hall which can do that respecting measure 100-150 people. Never miss a chance visiting in Tansag hotel.
Phone number : 0151221962, 222444, 99112001


Monday, September 19, 2011

Ацан ажигана (Тvмэн зангилаа)

Монгол нэр: Ацан ажигана (Тvмэн зангилаа)
Латин нэр: Stellaria dichotoma L.
Овог Башартан - Caryophyllaceae Juss.
 Tаних шинж: Yндэс бvдvvн, бортгон хэлбэртэй, хэвтээ байрлалтай. Иш 15-30 см өндөр, vндэс орчмоосоо хэд хэдээрээ ацан салаалсан, бөмбөлөг хэлбэрийн бут. Навч 0.5-2 см урт, 1-8 /12/ мм өргөн, зvрхэрхvv-өндгөн, юлдэн юмуу шугаман, хурц vзvvртэй, махигар. Ацан салаалсан ишнийхээ vзvvрт байрласан олон цэцэгтэй ба тэр нь урт шилбэн дээр байрладаг. Юлдэн хэлбэрийн 4-5 мм, урт, хурц, захаараа сарьслаг эмжээр бvхий цоморлигтой. Дэлбээ цоморлигтойгоо тэнцvv юмуу тvvнээс 1,5-2 дахин урт. Бөөрөнхийдvv-өндгөн, цоморлигоос богино, 2-3 /4/ vрт хонхорцогтой.
Тархалт: Хэнтий, Хангай, Монгол Дагуур, Хянган, Дорнод Монгол, Их нууруудын хотгор, Дорнод.
Ургах нөхцөл: Хээр, уулын хээр, чулуурхаг хажуу, элс, хад асганы завсарт ургана.
Ач холбогдол: Эмийн ургамал бөгөөд, vндсийг /сороол/ Сороол-4 гэсэн эмэнд орно.

Monday, September 5, 2011

Одой далан түрүү- stellera chamajasmae L.

 

Гадаад байдал: Бүдүүн голлосон үндэслэг ишнээс гарсан олон шулуун нарын иштэй 20-40 см өндөр ургадаг олон наст өвслөг ургамал. Уртавтар шугаман буюу юлдэн хэлбэрийн 1,7-3 см урттай, тод ногоон өнгийн навчис нь ишэндээ цувраа байрлана.
Цэцэг: Гадаргуу улаан ба ягаан өнгөтэй, дотуураа цагаан өнгийн цэцгүүд нь юүлүүр хэлбэртэй энгийн, 20-25 энгийн цэцгүүд нь ишний оройд бөөгнөрч, толгой хэлбэрийн баг цэцгийг үүсгэдэг. Цэцгийн шадар эрхтэн нь юүлүүр хэлбэртэй, цорго 2 судалтай бөгөөд хоёр, хоёр давхараар байрласан арван ширхэг дохиуртай. 5 сарын сүүлээс эхлэн зуны турш цэцэглэдэг.
Тархалт: Хэнтий, Төв, Монгол дагуур, Хянган, Сэлэнгэ, Архангай, Булган, Дорнод аймгийн нутгуудаар хайрга чулуу бүхий хээрдүү энгэр, ойн хормойгоор ургадаг.
Химийн бүрэлдэхүүн: Үндсэнд нь С витамин, кумарин, бикумарин, флавноидын төрлийн бодис, сапонин, өөх тос бага зэрэг, аргаах бодис тус тус агуулагдана.
Хэрэглэх нь: Хорыг тайлж, нянг хөөх, ялзарлыг зогсоох үйлдэлтэй, Уламжлалт анагаах ухаанд бөөр, шээсний замын өвчин, уушгины үрэвсэл, ханиалга, халууралт зэргийн үед хэрэглэнэ. Орчин үед далан түрүүний өвснөөс галены бэлдмэл гарган авч гэдэсний гүрвэлзэх хөдөлгөөн сулрах, өтгөн хатах үед хэрэглэнэ.