Showing posts with label Байгаль хамгаалагч нарын мэдээ. Show all posts
Showing posts with label Байгаль хамгаалагч нарын мэдээ. Show all posts

Thursday, November 29, 2012

Байгаль хамгаалагч

-    Аймгийн Засаг даргын А/420 тоот захирамжийн дагуу Сүхбаатар аймгийн ЗДТГ-аас ирүүлсэн албан бичгийн дагуу сумын засаг даргын захирамж гарган ажлын хэсэг томилон 4 хүний бүрэлдэхүүнтэй сумын хэмжээнд агаар бохирдуулах суурин эх үүсвэрийн үзлэг тооллогыг явуулж, агаар бохирдлын эх үүсвэртэй албан газар аж ахуйн нэгжийн талаарх тооллогыг орон нутагт зохион байгуулж, ажлын биелэлтийг Хөгжлийн бодлогын хэлтэст хүргүүлсэн. Нийт 16 агаар бохирдлын суурин эх үүсвэр, 2 ШТС тоологдсон
-    Тус суманд бүтээн байгуулалт хийж байгаа “Баянбогд сончин” ХХК сумын Хавиргын булгийг хамгаалж, тохижуулах ажлыг хийж, булгийн эргэн тойрон 4 га талбайд хашаа татах, эргэдэг хаалга хийх, хайлаас модны суулгац суулгах /150 ш/, байгаль уул, усаа хамгаалья самбарыг босгох, хашааны торыг гүйцээж татах зэрэг ажил гүйцэтгэхэд хяналт тавьж ажиллаа.

Онгон сумын байгаль хамгаалагч Д.Бэрцэцэг мэдээлэв.

Байгаль хамгаалагч

-    Соронзон толгой ХХК-ийн хайгуулийн талбайд БОХУБ Ж.Батцогт, сумын хэсгийн төлөөлөгч Ойдовцэрэн нарийн хамт хяналт шалгалт хийсэн. Шалгалтаар тус сумын нутагт бага хэмжээний талбай эзэмшдэг боловч орон нутгийн зөвшөөрөлгүйгээр өрөмдлөгийн ажил хийж гүйцэтгэх гэж байсныг таслан зогсоов. Холбогдох баримт бичгийг бүрдүүлж орон нутагт авчирч өгөх үүрэг өгсөний дагуу  хоногийн дотор баримтыг хүлээн авч зөрчлийг арилгуулсан.
-    БОАЖГ-ын ан амьтан хариуцсан мэргэжилтэн Л.Балдандорж, ахлах мэргэжилтэн Н.Мөнхбаатар, мэргэжилтэн Ш.Нямхүү нарын хамт Дэлгэрхаан уулын орчимд 30 орчим аргаль хонь, 2 хурга, Зараагийн ууланд 15 аргаль байснаас 1 хурга нийт 47 тооны аргаль тоолсон.
-    Байгаль орчин аялал жуулчлалын сайдын 2011 оны 04 дүгээр сарын 28 өдрийн А-131 дугаар тушаалын 3 дугаар хавсралтын дагуу Агаар бохирдуулагчийн эх үүсвэрийн улсын нэгдсэн тоо бүртгэлийг сумын төвийн хэмжээнд зохион байгуулж ажилласан. Нийт 6 албан газрын 6 уурын зуух, 259 автомашин, 356 өрхийг хамруулж ажиллаа.
-    Хог хаягдлын тухай хуулийг хэрэгжүүлэх үүднээс нийтийн эзэмшлийн газар байрладаг албан байгууллага, аж ахуйн нэгжүүдэд хог хаягдлын савыг байрлуулж, тогтоосон цэгт хог хаягдлыг хаях зөөх, цэвэр орчин бүрдүүлэх талаар үүрэг өгч ажилласны дүнд бүх албан газар аж ахуйн нэгж байгууллагууд хогийн сав байрлуулан ашиглаж хэвшээд байна.
-    Тус сумаас баруун хойш 137 км-т оторын нутаг болох Хэнтий аймгийн Тарганы уулын зүүн энгэрт гарсан түймэрт хоёр машинтай, 21 хүний бүрэлдэхүүнтэй групп очиж түймэр унтраах ажилд оролцсон.

Түвшинширээ сумын байгаль хамгаалагч Б.Мөнх-Эрдэнэ мэдээлэв.

Байгаль хамгаалагч

-    Хууль бус ан агнуур зэвсэг нэгдсэн арга хэмжээг сумын хэсгийн төлөөлөгч, цагдаатай хамтран зохион байгуулж хэд хэдэн зөрчлийг илрүүлэн зохих хуулийн дагуу арга хэмжээг авч ажиллаа. Мөн БОАЖГ-ын ан амьтан орон нутаг хариуцсан мэргэжилтэн Л.Балдандорж, жолооч Д.Мижиддорж аймгийн цагдаагийн хэв журмын байцаагч Оюунбадрах нарын хамт сумын 3, 4, 5-р багийн нутгаар өдөр шөнийн эргүүлийг хийж нийт 6 зөрчлийг илрүүлж хуулийн дагуу арга хэмжээг авч ажиллаа.
-    Улсын хэмжээнд Агаар бохирдолтын нэгдсэн тоо бүртгэлийн судалгаанд БОХУБайцаагчаар ахлуулсан ажлын хэсэг гарч ажлын хэсэгт сумын цаг уурч, байгаль хамгаалагч миний бие оролцлоо. Судалгаанд нийт 250 айл өрх, 1 нэгдсэн халаалтын уурын зуух тоологдсон.

Сүхбаатар сумын байгаль хамгаалагч С.Ганбулган мэдээлэв.

Tuesday, October 30, 2012

Байгаль хамгаалагч

-    Ерөнхий боловсролын сургуулийн нийгмийн ажилтан, сурагчын оролцооны байгууллагуудтай хамтран “Эрүүл бие цэвэр орчин” аяллыг сумынхаа түүхэн болоод байгалийн үзэсгэлэнт газруудаар аялуулсан. Уг аялалд 85 хүүхэд, удирдах 5 багш, миний бие оролцож аяллын үеэр түүхэн газруудыг цэвэрлэх, түүхэн орчинтой танилцаж 3 төрлийн тэмцээн уралдааныг зохион байгууллаа.
-    Мөн сумын нутаг Болор Хонхор, Баянголын Харганга, Төхөмын бор овоонд тавьсан тарваганд мониторинг судалгаа хийж тарваганы ичээг судалж, хүний ямар нэгэн нөлөөнд автаагүй байна.
-    Аймгийн хэмжээнд зохион байгуулж буй “Эрүүл орчин Эрүүл амьдрал” хөдөлгөөнийг удирдан зохион байгуулж, хяналт тавих үүрэг бүхий сумын орлогч даргаар ахлуулсан ажлын хэсэгт оролцон ажиллаж, төлөвлөгөө гаргаж ажилласан. Уг хөдөлгөөний үеэр ард иргэд хүүхэд багачуудын аюулгүй эрүүл орчинг бүрдүүлэх зорилгоор 2-р багийн Засаг даргатай хамтран золивон нохой устгалыг засаг даргын тамгын газраас зохион байгуулж  ажиллаа. Мөн аж ахуйн нэгж, айл өрх, албан байгууллагуудыг бүх нийтийн цэвэрлэгээг аяны хүрээнд зарлан зохион байгуулав.
-    Хүйтэний улирал эхлэж байгаатай холбогдуулан сумын нутагт цагаан зээр ихээр орж ирэхтэй холбогдуулан хууль бус агнуурыг зогсоох зорилгоор өдөр болон шөнийн эргүүлийг хийж, гарсан зөрчлийг хуулийн дагуу цаг тухайд нь арилгаж байна.
 
Сүхбаатар сумын байгаль хамгаалагч С.Ганбулган мэдээлэв.

᠋Байгаль хамгаалагч

-    Хууль бус ан агнуурын тухай 45 хоногийн хугацаатай удирдамж боловсруулж гарган БОХУБ, Цагдаа, Төлөөлөгчийн хамт сумруу орох гарах зам болон цагаан зээр нутаглаж байгаа газруудаар эргүүл хяналт хийж байна. Мөн цагаан зээр хууль бусаар агнан худалдан борлуулж байгаа иргэдийн мэдээллийг худалдан авах, зээрний зөвшөөрөл өгч байгаа талаар зарлал бичиж үйлчилгээний газруудад наасан. 
-    Байгаль орчинд нөлөөлөх байдлын үнэлгээний тухай хуулийн дагуу нөлөөлөх байдлын үнэлгээнд ороогүй буюу хугацаа нь дууссан ААНБ болон үйлчилгээний газруудын бичиг баримтыг холбогдох газарт хүргүүлээд байна.
-    Ерөнхийлөгчийн зарлигаар бүх нийтээр мод тарих өдрөөр Идэвхтэн байгаль хамгаалагчийн чацарганы талбайд улиас, хайлс нийлсэн 30 гаруй суулгацыг суулгалаа.

Баяндэлгэр сумын байгаль хамгаалагч Ч.Мөнхзул мэдээлэв.

Monday, October 29, 2012

Байгаль хамгаалагч

-    Монгол улсын Ерөнхийлөгчийн 2010 оны 63 тоот зарлигийн дагуу бүх нийтээр мод тарих өдрөөр Онгон сум тус бүр нь 3500 төгрөгийн үнэтэй нийт 70 ш чацарганы мод суулгасан.
-    Байгалийн нөөц ашигласны төлбөрийн тухай хууль болон СИТХ-ын тогтоолын дагуу барилга орон сууц барьж байгаа албан газар, аж ахуйн нэгж, иргэдэд түгээмэл тархацтай ашигт малтмал ашигласны төлбөр төлөх тухай албан мэдэгдэл хүргүүлсэн.
-    Орон нутагт бүтээн байгуулалт хийж байгаа Хүн эмнэлэг болон Онгон суманд баригдаж байгаа тагнуулын барилгад хяналт тавьж, тагнуулын барилга нийтийн эзэмшил газар элс асгасан зөрчлыг арилгуулж мөн жорлонтой болох шаардлага тавиад байна.

Онгон сумын байгаль хамгаалагч Д.Бэрцэцэг мэдээлэв.

Байгаль хамгаалагч

-    Тус сум нь орон нутагтаа “Тохьжилт 2012” болзолт уралдааныг зохион  багуулж дүгнэсэн. Үүнд: албан газар 2, ААНБ 2, Айл өрх 10-ыг тус тус шагнаж нийт 1.7 сая төгрөгөөр урамшуулсан. Энэхүү шагналыг гардуулах үйл ажиллагаан дээр АХА тэмцээнийг зохион байгуулсан.
-    Сумын хэмжээнд бүх нийтийн цэвэрлэгээг зохион байгуулж айл өрх тус бүр хашаанаасаа 50*50 метрийн зайтай цэвэрлэгээ хийсэн. Тус цэвэрлэгээнд гараагүй буюу эзэнгүй байсан 23 айлуудад мэдэгдэл хүргүүлж цэвэрлүүлсэн.
-    Сумын Засаг даргын тамгын газраас амьдралын нөхцөл баталгаажих түвшингээс доогуур айл өрхүүдэд лизингээр хашаа барьж өгөх ажилд тамгын газрын бүх ажилчдыг тайчлан 5 хоног ажилласан. Ажлын хугацаанд 8 айлын хашаа барьсан.
-    Д.Маамын нэрэмжит Ерөнхий боловсролын сургуулийн газарзүйн багш Г.Амгаланбаатартай хамтран байгальтай зөв боловсон харьцах, ан амьтан, ургамлыг танин мэдэх зорилгоор 8-р ангийн хүүхдүүдийн дунд сумаас баруун урагш байрлах Зараагийн уул руу явган аяллыг зохион байгуулсан. Мөн аяллын үеэр хог хаягдлыг түүж, хүүхдүүдэд хог хаягдлын талаар мэдээлэл өгсөн.
 
Түвшинширээ сумын байгаль хамгаалагч Б.Мөнх-Эрдэнэ мэдээлэв.

Байгаль хамгаалагч

-    Сумын хөгжил үзэсгэлэн худалдаанд сумын иргэдийн хийсэн бүтээгдэхүүн болон тарьж ургуулсан хүнсний ногоо, тасалгааны цэцэг зэргээрээ оролцсон. Мөн үзэсгэлэн худалдааны үеэр байгаль орчны хууль тогтоомжуудын талаар гарын авлага бэлдэж тараасан.
-    Сумаас баруун тийш 40 орчим км-т цагаан зээрийн хууль бус агналтын талаар эргүүл хийсэн. Энэ үеэр хууль бус ангийн талаар зөрчил гараагүй.
-    Дэлхийн байгаль хамгаалах сарын аяны хүрээнд Ерөнхий боловсролын сургуулийн хүүхдүүдтэй хамтарч “Хэний анги хамгийн аривч, хямгач, бүтээлч вэ?” хог хаягдалаар бүтээл хийх уралдааныг зохион байгуулсан.
-    Улаанбаатар хотын “Хот тохьжилт үйлчилгээний газрын ажлын хэсэгтэй хамтарч сумын төвийн эзэнгүй 70 нохойг устгасан.

Уулбаян сумын байгаль хамгаалагч П.Болортунгалаг мэдээлэв.

Friday, September 28, 2012

Байгаль хамгаалагч

•    Тус сумын Засаг дарга Х.Төмөрхуяг, БОХУБайцаагч Ж.Батцогт, Газрын даамал Аюушсүрэн нарын хамт Алтны хайгуулын Их монгол майнанг ХХК-ны нөхөн сэргээлтийн ажлыг хүлээж авсан.
•    Тус сумаас баруун урагш 12 км-т байрлах Зараагийн ууланд байгаа аргаль хонинд ажиглалт хийсэн бөгөөд одоогийн байдлаар зөрчил гараагүй нийт 15 тооны аргаль хонь байсан.
•    Алтанбулгийн эхийг хашиж хамгаалсан хашаа зарим талаараа эвдэрч мал ороод байна гэсэн иргэдийн мэдээллийн дагуу ЦБГТМТ-ын зохицуулагч Болортуул, БОХУБайцаагч Ж.Батцогт, Газрын даамал Аюушсүрэн болон 5 иргэний хамт очиж хашааг сэргээн тохижуулж  янзалсан бөгөөд дотор нь нийт 12 ширхэг дэрсийг шилжүүлэн суулгасан нь одоо сайн ургаж байна.
•    Сумын Өгөөмөр багийн нутаг дэвсгэрт Цагаан зээрийн тандалт хийлээ. Тандалтын үеэр цагаан зээр 10-20 толгойгоороо мэр сэр тааралдаж байсан бөгөөд өөр газраас зээр орж ирээгүй болно. Мөн уг ажлыг гүйцэтгэх явцдаа идлэг шонхор шувууны 45 хиймэл үүрийг эргэж, унасан нэг үүрийг босгосон.
•    Сумын иргэн Э.Мөнхбат сумын төвөөс 25 км-т байрлах Хөндий гэдэг газраас 3 ширхэг цан оллоо гэсэн мэдээллийн дагуу БОХУБайцаагч Ж.Батцогттой хамт очиж шалгахад цан нь хагарсан байдалтай олдсныг авчираад байна.

Түвшинширээ сумын Байгаль хамгаалагч Б.Мөнх-Эрдэнэ

Байгаль хамгаалагч

•    09-р сарын 20, 21-ны өдрүүдэд БОХУБайцаагч Н.Ганбаттай хамтран тус сумын нэгдсэн хогийн цэгийг Шар хаданд ашиглалтын тусгай зөвшөөрөлтэй ЭФ ЖИ ПИ ЭМ ХХК-ны Ковш маркийн түрэгч трактор, Ново маркийн ачааны машиний тусламжтайгаар цэвэрлэж цэгцэлж талбайг багасгаж ажиллаа. Өмнө онд түрж цэвэрлэсэн талбайд түрүү өвөл иргэд хогоо хийж дүүргэсэн байсныг түрж дахин шинээр талбай засаж, урьд нь үлдсэн байсан хогнуудыг ачиж хонхорт нь хийж булсан.
•    Энэ сард цаг агаар сэрүүн салхитай сар байлаа. Сарын дунд үеэр дуу цахилгаантай бороо орсон ба 09-р сарын 18-ны өдөр аянга цахилгааны улмаас тус сумын нутаг дээр 3 гал түймэр гарсан. Сумын баруун хойно 10 гаруй км, сумын баруун талд Сэвсүүлд, сумын зүүн хойно Тарнад тус тус нэгэн зэрэг гал түймэр гарсан. Сумын Тамгын газраас шуурхай арга хэмжээ авч гурван зэрэг машинтай хүмүүсийг явуулж мөн гал түймэр гарснаас хойш бороо орж түймэрийг хурдан унтраасан.

Түмэнцогт сумын байгаль хамгаалагч Х.Гүрсоронзон мэдээлэв.

Thursday, September 20, 2012

Байгаль хамгаалагч Д.Бэрцэцэг


·         Онгон сумын иргэдтэй хамтран албан байгууллага, аж ахуйн нэгжийг цэцэгжүүлэх зорилгоор цэцгийн үзэсгэлэн худалдааг зохион байгуулсан. Үзэсгэлэн худалдаанд 10 гаруй төрлийн 50-иад цэцэг тавигдсан.
·    Хур бороо элбэгтэй, ургамал бэлчээрийн гарц сайн байгаа нь хуурайшилтай улирал эхэлж байгаа энэ үед түймэр гарах магадлал өндөр байна. Иймд ард иргэдэд анхааруулж багийн Засаг дарга нартай хамтран түймрээс сэргийлэх зорилгоор сэрэмжлүүлгийг тараасан.
·     ХЦ-ийн 0184-р ангийн эмэгтэйчүүдийн зөвлөлийн 35 эмэгтэй оролцсон “Эрүүл орчин” сэдвийн дор бүх нийтийн их цэвэрлэгээ, хогний талаар сургалт сурталчилгаа хийлээ

Онгон сумын байгаль хамгаалагч Д.Бэрцэцэг мэдээлэв.

Thursday, August 30, 2012

Хяналт шалгалтын талаар

•    Ард иргэдийн өгсөн мэдээллийн дагуу тус сумын 3-р багийн нутаг Сайнхөөвөр гэдэг газар ашиглалт хайгуулын лицензтэй Бадмаараг хаш ХХК-ны явуулж буй үйл ажиллагааг дараах бүрэлдэхүүнтэй шалгаж зөрчлийг илрүүлэн холбогдох арга хэмжээг авч ажиллалаа.
Шалгалтын бүрэлдэхүүнд: Сумын ИТХ-ын төлөөлөгч Б.Амартайван, БО-ны байцаагч Г.Мөнгөнцэцэг, Газар шороо хөдөлгөөний тэргүүн Д.Мөнхөө, нарийн бичгийн дарга У.Энхцэцэг нартай хамтран гүйцэтгэсэн. Бадмаараг хаш ХХК нь БО-ны төлөвлөгөө хийгээгүй, уулын ажлын  төлөвлөгөө нь шаардлага хангаагүй, ашигт малтмалын тухай хуулийн 35-р зүйлд заасан нийтлэг үүргүүд нь дутуу хийгдсэн байсан учир хуулийн дагуу торгуулийн арга хэмжээ авлаа.
•    Намрын хэт хуурайшилт болж байгаатай холбогдуулан хээрийн түймрээс урьдчилан сэргийлэх зорилгоор санамж хэвлүүлэн тарааснаас гадна Цагдаагийн тасагтай хамтран 114 ш тээврийн хэрэгслийн гал түймрийн бэлэн байдлыг шалгаж үүнтэй холбогдсон ухуулга сурталчилгааны ажил хийлээ.
•    Судалгаа шинжилгээний талаар: Оросын холбооны услын Чет мужийн батоникийн хүрээлэнгийн эрдэмтэн судлаачид Дорнод, Сүхбаатар аймгуудын ургамлын судалгааны ажилд хамгаалалтын захиргааны мэргэжилтэн Гүнбаттай хамтран явж 80 гаруй ургамлын цуглуулга хийлээ. Мөн УБ хотын ХААИС-ийн доктор Түмэнжаргалтай хамтран Дорнод Монголын дархан цаазат газар, Лхачинвандад уулын БНГ-т 3 хоногийн хугацаатай нэн ховор, ховор ургамлын судалгаа хийсэн.
Эрдэнэцагаан сумын байгаль хамгаалагч Ц.Пүрэвням мэдээлэв.

Tuesday, August 28, 2012

ШУА-ийн Биологийн хүрээлэнгийн Хөхтний экологийн лабораторийн баг судалгаа хийлээ

    ШУА-ийн Биологийн хүрээлэнгийн Хөхтний экологийн лабораторийн эрдэм шинжилгээний ажилтан Г.Сүхчулуун, ОХУ-ын эрдэм шинжилгээний ажилтан Брандлер Олег тус суманд шинээр нутагшуулсан тарвагануудын байршил болон солбилцол, мөн хэдэн бүл хичнээн тарвага байгаа талаар судалгаа хийлээ.
      Судалгааны зорилго нь Дорнод Монголын Хэрмийн овгийн амьтадын өнөөгийн байдал, генетик бүтэц, олон янз байдлыг хадгалах” Современное соетояние, генетическая структура и сокранение разнообразия наземных беличьих востоцной Монголий сэдэвт ажлын хүрээнд агнуурын болон экосистемд онцгой үүрэг бүхий зарим хөхтөн түүний дотор Монгол тарвага, зурамны төрлийн амьтадын тархац боловсруулахад шаардлагатай мэдээ эх хэрэглэхүүн бүрдүүлэх явдал юм.
      Энэ судалгаагаар тус суманд ойролцоогоор 7 бүл тарвага байна гэсэн дүгнэлт гаргасан.

Түмэнцогт сумын байгаль хамгаалагч Х.Гүрсоронзон мэдээлэв.

Түвшинширээ сумын нутаг дах Хадан усны агуйг тохижууллаа

Орон нутгийн хамгаалалтанд авахуулах талаар Үнэгэд багийн иргэд нийтийн хурлаас гаргасан саналыг дэмжүүлэх зорилгоор багийн Засаг дарга болон нутгийн иргэдтэй хамтран Хадан усны агуйд хуримтлагдан байсан ойролцоогоор 1,5 тн элсийг гар аргаар зөөж холдууллаа. 
Мөн тус агуйн ойролцоо чулуун дээр сийлсэн хүний мөр, түвд бичиг, нэг гарын алганы тэмдэг зэрэг сүг зурагнуудыг нэмж илрүүлсэн.
Түвшинширээ сумын байгаль хамгаалагч Б.Мөнх-Эрдэнэ мэдээлэв.

Monday, July 23, 2012

Байгаль хамгаалагч Д.Бэрцэцэг

•    Сумын Халамжийн мэргэжилтэн У.Одонцэцэгтэй хамтран сумын орлогогүй, нэн ядуу болон хөдөлмөр халамжийн үйлчилгээний ажилгүйчүүдийн бүртгэлд бүртгэлтэй 9 иргэнээр 7 хоног Хавиргын булагийн элсэнд дарагдсан хашааны элсийг хогийн машинаар гадагшлуулж зөөх хашааны торыг дахин шинэчлэн шинэ тор татах зэрэг ажлыг хийж гүйцэтгэсэн.
•    Сүхбаатар аймаг байгуулагдсаны түүхт 70 жилийн ой угтсан ажлын хүрээнд сум орон нутаг байгууллага, ААН, айл өрхийн өнгө үзэмжийг сайржуулах зорилгоор сумын хэмжээнд бүх нийтийн их цэвэрлэгээг хийлгээд байна. Цэвэрлэгээнд нийт 24 байгууллага, ААН, иргэд оролцож байгууллагын гадна талын хогийг цэвэрлэх ачих зэрэг ажлыг хийж гүйцэтгүүлээд байна.
•    Хавиргын булгийн дагуух хогийг сумын ажилгүй 6 иргэнээр 3 хоног цэвэрлүүлэн хогийн машинаар хогийн цэгт зөөж асгуулсан. Нийт 10 га орчим.

Онгон сумын байгаль хамгаалагч Д.Бэрцэцэг мэдээлэв.

Байгаль хамгаалагч Х.Гүрсоронзон

•    6-р сарын 20 – эхлэн 7-р сарын 20 хүртэл Баян-Овоо ууланд сэргээн нутагшуулсан тарвагандаа 5 удаа ажиглалт хийлээ. Ингэхдээ дахин нүүн шилжсэн өөр газрыг олж харсан ба анх нутагшуулахад тавьсан газраасаа ихэнх тарваганууд нь нүүж шинээр үүр ичээ ухаж суурьшсан нь тогтоогдсон.
•    2010 онд тус сумын нутагт Буман чацаргана ХХК нь 15 мянган чацаргана тарьсан. Энд тарьсан чацаргана сайн ургаж байгаа ба энэ жилээс жимсэлж эхэлж байна.
•    Тус сумаас энэ жил 4 хадлан гарахаар газрын мэргэжилтэнд хүсэлтээ гаргаж ажиллаад байгаа ба БОХУБайцаагч, Байгаль хамгаалагчийн зүгээс хадлан хадах газрыг зааж өгөх, гал түймэрийн аюулаас урьдчилан сэргийлэх, түймэр гаргахгүй байх талаар баталгаа гаргуулж ажиллаж байна.
•    Тус сумын нутаг дэвсгэрээр дамжин өнгөрч буй Өндөрхаан-Чойбалсан чиглэлийн “Насны зам” ХХК-ны тавьж буй мянганы замд ашиглаж буй хайрга, чулуу, элс, шороо зэрэг түгээмэл тархацтай ашигт малтмалын кареруудын хоородын зай, гүн, талбай зэргүүдэд хяналт шалгалтын ажлыг хийж сумын төвд ойрхон ухагдсан хоёр карерын нэгийг нөхөн сэргээлгэж, нөгөөг нь нөхөн сэргээх талаар хугацаатай үүрэг даалгавар өгөөд байна.
•    Мөн зөвшөөрөлгүйгээр Хэрлэн голын эргээс 180 тн хайрга авч ашигласан “ЭФ ЖИ ПИ ЭМ” ХХК-аас түгээмэл тархацтай ашигт малтмал ашигласны төлбөр болох 560,0 мянган төгрөгийг Байгаль хамгаалах санд оруулаад байна.

Түмэнцогт сумын байгаль хамгаалагч Х.Гүрсоронзон мэдээлэв.


Tuesday, June 26, 2012

Байгаль хамгаалагч Х.Гүрсоронзон

•    БОАЖГ-ын Ан амьтан хариуцсан мэргэжилтэн Л.Балдандорж, Байгаль хамгаалагч Б.Эрдэнэбаяр нартай хамт 5-р сарын 25-ны өглөө 2011 онд Баян-Овоо ууланд сэргээн нутагшуулсан Монгол Тарваганд мониторинг хийлээ. Мониторингоор сэргээн нутагшуулсан тарвагануудын тоо толгой өссөн гэсэн дүгнэлт гаргасан. Түүнээс хойш  Баян-Овоо ууланд нутагшуулсан тарваганд нийт 6 удаа мониторинг хийхэд уулын энгэрт нийтдээ ойролцоогоор 7-н дошинд 9-12 толгой тарвага, уулын хойд ухаад 13-н дошинд 10-15 толгой тарвага байна гэсэн дүгнэлт хийсэн.
•    Монгол улсын Ерөнхийлөгчйн зарлигаар бүх нийтээр мод тарих өдөр ба сумын иргэн, аж ахуйн нэгж байгууллагууд өөрийн эзэмшил газар болон нийтийн эзэмшлийн гудамж талбайд нийт 22210,0 сая төгрөгийн хөрөнгөөр 4345 мод бутыг тарьж ургуулаад байна.
•    Түмэнцогт сумын ИТХ-ын даргын 2012 оны 06-р сарын 04-ны өдөр баталсан сумын нутаг дэвсгэрт уул уурхайн чиглэлээр үйл ажиллагаа явуулж буй аж ахуйн  нэгжүүдэд хяналт шалгалт хийх удирдамжийн дагуу “ЭФ ЖИ ПИ ЭМ” ХХК-д 2012 оны 06-р сарын 04-ны өдөр хяналт шалгалт хийсэн. 

Түмэнцогт сумын байгаль хамгаалагч Х.Гүрсоронзон мэдээлэв.


Байгаль хамгаалагч Д.Бэрцэцэг

•    Сүхбаатар аймаг байгуулагдсаны түүхт 70 жилийн ойн арга хэмжээний хүрээнд аймгийн Засаг даргын захирамж, сумын нөөц хөрөнгөөр Онгон суманд хүнд даацийн том оврын машин техникээр /4 машин/ нийтийн эзэмшлийн хогийн цэгийг түрэх, далан босгох, нүх ухах, булах зэрэг ажлыг хийж гүйцэтгэн хяналт тавин ажиллаа.
Хогийн цэгийн гадна үлдсэн хогийг цэвэрлүүлэх нийтийг хамарсан ажлаар 5-р багийн Засаг дарга Д.Золжаргал, халамжийн байцаагч У.Одонцэцэг нартай хамтран хог төслийг хэрэгжүүлэн өрхийн орлогогүй, ядуу болон нэн ядуу 7 иргэнээр хогийн цэгийн 9 га талбайг 6 хоног цэвэрлүүлсэн. 

Онгон сумын байгаль хамгаалагч Д.Бэрцэцэг мэдээлэв. 

Monday, June 25, 2012

Байгаль хамгаалагч Б.Мөнх-Эрдэнэ


•    Идлэг шонхор шувуу судлах, хамгаалах төслийнхөн тус суманд ирж сумын нутагт байрлах 250 ширхэг Идлэг шонхор шувууны хиймэл үүрэнд хамтарсан хяналт тавьж ажилласан. 2011 оны 8-р сард эргэхэд 11 үүр устсан байсан бол 2012 оны 6-р сард 13 ширхэг үүр гэмтсэн байсан бөгөөд үүнээс 6 ширхэг үүр унасан, 7 ширхэг үүрний шон алга болсон байна.
•    Монгол улсын Ерөнхийлөгчийн 63-р тоот зарлигийн дагуу 05-р сарын 15-нд тус суманд мод тарих өдрийг зохион байгуулж ажилласан. Үүнд:
Сумын Засаг даргын тамгын газар - 100 ширхэг суулгац
Цэцэрлэг - 40 ширхэг суулгац
Сургууль – 260 ширхэг суулгац
Айл өрх – 67 ширхэг суулгац суулгасан.
•    Аймгийн Засаг даргын шийдвэрээр сумдын хогийн цэгийг тохижуулах шийдвэр гарсантай холбогдуулан тус сумын хогийг цэгийг 7 хоногийн хугацаанд цэвэрлэж бүрэн тохижуулсан.
•    Сумын төвөөс баруун урагш 10-аад км-т байрлах Зараагийн ууланд байрлах аргаль хонинд био техникийн арга хэмжээ авж 30 ширхэг боодол өвс, 1 тн хужир шүү тавьж өгсөн.

Түвшинширээ сумын байгаль хамгаалагч Б.Мөнх-Эрдэнэ мэдээлэв.

Байгаль хамгаалагч Пүрэвням

•    Андын илч ХХК-ны нөхөн сэргээлтийг хүлээж авах коммист БОАЖГ-ын дарга Д.Батхүрэл, ан амьтан хариуцсан мэргэжилтэн Л.Балдандорж, Ахлах мэргэжилтэн Н.Мөнхбаатар, Баруун-Урт сумын байгаль хамгаалагч Б.Эрдэнэбаяр, уул уурхай хариуцсан мэргэжилтэн Ш.Нямхүү, Эрдэнэцагаан сумын байгаль орчны хяналтын улсын байцаагч Амарсүрэн нарын хамт явж ажилласан.
•    Сумаас хойш 30 км-т Өвөр хөндий гэдэг газар аянганы улмаас гал түймэр гарч нийт 4 машин 60 хүний бүрэлдэхүүнтэй 15 хүн ахлан явж гал түймрийг унтраасан.

Эрдэнэцагаан сумын Байгаль хамгаалагч Пүрэвням мэдээлэв.