Ах дүү хоёр овооны домог

Шартын хад

Алтан овоо, Дөхөмийн Баян-Овоо хоёр ах дүү юм гэнэ. Дөхөмийн Баян-Овоо алс газар одоод эргэж ирэх замд нь их цэрэг тааралдаж саатуулснаас тэндээ үүрд үлдсэн байна. Тэр их цэрэг нь Шартын хад юм гэнэ. Тиймээс Шартын хадыг цэрэг шинжтэй гэдэг. Дөхөмийн Баян-Овооны дээр гараад баруун тийш харахад холоос ирсэн гэлтэй өргөн зурвас байдаг.
Түүнийг Дөхөмийн Баян-Овооны заларч явсан зам нь гэдэг. Ах дүү хоёр овоо алсаас бие биедээ харагддагийн учир ийм гэнэ.