Monday, June 23, 2014

Хил орчмын аялал жуулчлалын уулзалт боллоо

ӨМӨЗО-ны Зүүн үзэмчин хошууны Улиастай балгасын Засгийн ордонд Хил орчмын аялал жуулчлалын уулзалтыг хийлээ. Уулзалтанд Монгол улсын Сүхбаатар аймгийн талаас Аймгийн Засаг даргын тамгын газрын дарга Д.Баасандорж, Соёл, спорт, аялал жуулчлалын газрын дарга О.Батнасан, аялал жуулчлал хариуцсан мэргэжилтэн П.Ариунболд, Зүүн үзэмчин хошуунд суух паспортын төлөөлөгч Шархүү, Зураач урчуудын холбооны тэргүүн Ё.Бадарч, Бичигт боомтын захиргааны дарга Гансүх, И ТИ АЙ ХХК-ны гүйцэтгэх захирал Б.Эрдэнэчимэг, менежер Э.Оргил, БНХАУ-ын ӨМӨЗО-ны Шилийн гол аймаг, Зүүн үзэмчин хошуунаас аймгийн орлогч дарга Ба Жин Хау, Улиастай балгасын орлогч дарга Батмөнх, Соёл, биеийн тамир, радио телевиз, аялал жуулчлалын товчооны дарга Сарансүх, аялал жуулчлалын товчооны орлогч дарга Хүү дагуул болон бусад төлөөлөгч нар оролцлоо. 
            Мөн ӨМӨЗО-ны жуулчдыг хоёр орны компаний гэрээн дээр үндэслэн Монгол улсын Гадаадын иргэн харъяатын асуудал эрхэлсэн газраас зөвшөөрөл авсны үндсэн дээр аялуулж байхаар шийдвэрлэлээ. Үүний үр дүнд 7 дугаар сарын 1-ны өдрөөс эхлэн анхны жуулчдыг аялуулахаар хоёр талын компаниуд бэлтгэл ажлыг хийж байна.  

Friday, May 2, 2014

Сүхбаатар аймгийн Аялал жуулчлалын холбоог байгууллаа

Сүхбаатар аймгийн аялал жуулчлалын холбооны Гүйцэтгэх захирал Мөнхбат, удирдах зөвлөлийн дарга П.Ариунболд, гишүүнээр Ё.Бадарч, З.Боргил, Ариундэлгэр, М.Энэбиш, Э.Ушаандар, Сансармаа, М.Амгалан нар сонгогдлоо

Sunday, March 23, 2014

Хустайн ТХГН-т туршлага судлах аялал

Сүхбаатар аймгийн аялал жуулчлалын салбарынхан Төв аймгийн нутагт байрлах Хустайн ТХГН-т очиж Нутгийн иргэдэд түшиглэсэн аялал жуулчлал /НИТАЖ/-ын чиглэлээр сургалтанд хамрагдаж, нутгийн малчин айлаар зочлон НИТАЖ-ын талаар туршлага судалж, байгалийн үзэсгэлэнт газраар аялан тахь, халиун буга зэрэг ховор амьтадыг үзэж сонирхосон. Уг сургалтанд хамрагдснаар орон нутагтаа НИТАЖ-ыг хэрхэн яаж хөгжүүлэх, малчид болон гар урчуудыг аялал жуулчлалд татан оруулж өрхийн орлогыг нэмэгдүүлэх нэг гарцыг бий болгох боломжтой болсон юм. Цаашид энэ чиглэлээр Эрдэнэцагаан, Дарьганга суманд сургалт уулзалтуудыг зохион байгуулж, 1-2 айлыг сонгон авч НИТАЖ-ын төслийг хэрэгжүүлэхээр зорьж байна.

Saturday, March 22, 2014

ITM олон улсын аялал жуулчлалын үзэсгэлэн

Аймаг орон нутгаа гадаад, дотоодод сурталчилах, туршлага судлах зорилгоор  аймгийн ЗДТГ, Соёл, спорт, аялал жуулчлалын газар, Жаахан шарга театр, Угсаатны зүйн  музей, Дарьгангын байгалийн цогцолборт газрын хамгаалалтын захиргаа, Тансаг, Оргих, Зотол, Хүслийн хүсэл, Талын агуй, гар урчууд хамтран International Travel Mart -2014 олон улсын аялал жуулчлалын үзэсгэлэнд анх удаагаа аймаг орон нутгаа төлөөлөн оролцлоо. Тус үзэсгэлэнд 21 аймгийн Соёл, спорт, аялал жуулчлалын газар, олон улсын авиа компаниуд, зочид буудал, жуулчны баазууд оролцсон томоохон арга хэмжээ болсон. Үзэсгэлэнгийн үеэр аймаг орон нутгаас ирсэн төлөөлөгчид Хаан гэр ресторан, Edelweiss зочид буудал, Цагаан алт эсгий эдлэлийн дэлгүүртэй танилцаж туршлага судалсан юм.