Тус аймгийн төвөөс 300-аад км алслагдсан, Эрдэнэцагаан сумын нутагт байрших Бичигтийн боомтыг байнгын ажиллагаатай болгож ажиллуулах талаар зохих байгууллага, газарт удаа дараа хүсэлт тавьж хүчин чармайлт гаргасны дүнд Монгол, Хятадын Засгийн газрын шийдвэрээр боомт 2008 оны 1 сарын 1-ээс эхлэн байнгын ажиллагаатай болоод байгаа нь хөрш БНХАУ, ӨМӨЗО-той аялал жуулчлал, нийгэм эдийн засгийн бүхий л салбарт хамтын ажиллагаа өргөжүүлэх бүрэн боломж бүрдсэн. Хил орчмын аялал жуулчлалыг хөгжүүлэх үүднээс 2009 оноос эхлэн БНХАУ-ын Зүүн үзэмчин хошуунаас групп жуулчдыг хүлээн авч Эрдэнэцагаан сум, Дарьганга сумдын нутгаар аялуулж байна.
